МІНСК, 22 мая - Sputnik. Колькасць злачынстваў супраць палавой недатыкальнасці дзяцей за апошнія 6 гадоў вырасла ў 22 разы і дасягнула 831 выяўленага выпадка, паведамілі падчас круглага стала па праблеме гвалту над дзецьмі, які праходзіў у МУС Беларусі.
"Праблема захоўвае актуальнасць і ў гэтым годзе. Са студзеня па красавік 2019 году колькасьць такіх злачынстваў вырасла ў чатыры разы і дасягнула 348 выпадкаў", - растлумачыў намеснік начальніка ГУНіПГЛ МУС Дзмітрый Цаюн.
Пры гэтым павялічваецца колькасць пацярпелых хлопчыкаў. Паводле звестак МУС, у мінулым годзе яны склалі каля траціны агульнай колькасці ахвяр педафілаў.
Адзначаецца, што найбольшую трывогу выклікае латэнтнасьць такіх злачынстваў, таму вінаватыя часцяком доўга застаюцца па-за полем зроку праваахоўнікаў.
Таксама сітуацыя ўскладняецца даступнасцю для дзяцей інтэрнэту, дзе зараз усё часцей адбываюцца першасныя зносіны педафіла з ахвярай. Раней у ведамстве выказвалі занепакоенасць тым, што ў Беларусі няма крымінальнай адказнасці за інтэрнэт-грумінг і міліцыя не можа прыцягнуць педафіла да крымінальнай адказнасьці за тое, што ён у інтэрнэце схіляе дзіцяці да блізкасці.
