МІНСК, 25 мая - Sputnik. Моцныя дажджы і навальніцы чакаюцца ў Беларусі ў другой палове дня ў суботу, пра гэта паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
"Удзень 25 мая ў асобных раёнах рэспублікі чакаюцца навальніцы, месцамі - моцныя дажджы", - распавялі сіноптыкі.
Па дадзеных Гідрамета, больш за ўсё ад стыхіі могуць пацярпець паўднёва-ўсходнія раёны рэспублікі. Раней сіноптыкі паведамлялі, што ў суботу надвор'е ў Беларусі будзе вызначаць няўстойлівая паветраная маса.
Акрамя таго, сіноптыкі папярэджвалі, што ў выхадныя ў Беларусі крыху пахаладае і будзе дажджліва. Аднак надвор'е выправіцца да пачатку працоўнага тыдня: тэмпература зноў павысіцца да +15 .. + 23°С, а ападкаў амаль не будзе.
