МІНСК, 29 мая - Sputnik. Экс-першая ракетка свету Вікторыя Азаранка (№43 у рэйтынгу WTA) выйшла ў другі круг Адкрытага чэмпіянату Францыі па тэнісе ("Ралан Гарос"), паведамляе Sputnik.
У паядынку 1/64 фіналу беларуска сустракалася з прадстаўніцы Латвіі Алёнай Астапенка (39). Першы сэт застаўся за Азаранка - 6:4. У другім яна вяла з лікам 5:4 і не змагла рэалізаваць два матч-болы, саперніца зраўняла лік. На тай-брэйку Азаранка была мацнейшай за суперніцу 7:4. Такім чынам лік у матчы 6:4, 7:6 (7:4). Гульня працягвалася адну гадзіну 50 хвілін.
У стартавым паядынку Арына Сабаленка справілася з прадстаўніцай Славакіі Дамінікай Цыбулкавай (41). Сабаленка выйграла з лікам 7:5, 6:1. Матч працягваўся 1 гадзіну 32 хвіліны.
У 1/32 фіналу беларуска згуляе супраць амерыканкі Аманды Анісімавай, якая на старце турніру абыграла францужанку Армані Тан - 6:1, 6:3.
Нагадаем, раней барацьбу на турніры завяршылі Вера Лапко (102) і Аляксандра Сасновіч (34).
