МІНСК, 29 мая - Sputnik. Рэдкі каштоўны камень знайшлі ў Свярдлоўскай вобласці Расіі, паведамілі ў адміністрацыі рэгіёну.
Ізумруд, вага якога склала 1,6 кілаграма, знайшлі на прадпрыемстве "Марыінскі Прыіск". Ён стаў найбуйнейшым за апошнія тры дзесяцігоддзі ізумрудам, здабытым у Расіі.
Каштоўны камень знойдзены на адзіным у краіне радовішчы ізумрудаў у Свярдлоўскай вобласці ў шахце на 260-метровай глыбіні. Гендырэктар прадпрыемства "Марыінскі Прыіск" паведаміў, што камень паднялі на паверхню практычна ў першапачатковым выглядзе. Рабочым, якія знайшлі яго, абяцаная прэмія.
Па словах спецыялістаў, унікальны не толькі памер крышталя, але і форма - ён мае зусім роўныя грані. Праўда, на яго паверхні ёсць прыродныя расколіны, з-за якіх камень аднеслі да трэцяй катэгорыі. Па колеры ён адносіцца да другой катэгорыі - "зялёны".
Паводле папярэдніх ацэнак, кошт каменя разам са знойдзеным на капальні россыпам іншых мінералаў складзе 32 мільёны рублёў (каля паўмільёна долараў).
Апошні рэкорд радовішча быў зафіксаваны у 2018 годзе - тады знайшлі ізумруд, які важыў на 20 грамаў менш. Да гэтага падобны камень знаходзілі амаль 30 гадоў таму.
