Ліўні і град: аранжавы ўзровень небяспекі аб'яўлены ў Беларусі на 30 мая

CC BY 2.0 / Lane Pearman / Severy SupercellЛіўні і град: аранжавы ўзровень небяспекі аб'яўлены ў Беларусі на 30 мая
Ліўні і град: аранжавы ўзровень небяспекі аб'яўлены ў Беларусі на 30 мая - Sputnik Беларусь
Падпісацца на
НовостиTelegram
Па прагнозах сіноптыкаў, да выхадных дажджы ў краіне спыняцца і зноў пацяплее.

МІНСК, 30 мая - Sputnik. Няўстойлівае надвор'е захаваецца ў рэспубліцы ў чацвер 30 мая - у асобных рэгіёнах магчымыя ліўні, узмацненне ветру і град, паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.

Надвор'е ў краіне сапсавалася 29 мая: з прыходам атмасфернага фронту тэмпература паветра панізілася, месцамі прайшлі моцныя дажджы. У Мінску непрацяглы вячэрні лівень справакаваў узнікненне аўтамабільных затораў, былі падтопленыя некаторыя ўчасткі вуліц, мінчане нават знялі на відэа невялікі смерч.

"У чацвер па ўсходняй палове рэспублікі захаваюцца навальніцы, месцамі моцныя ліўні і шквалістае ўзмацненне ветру парывамі да 15-20 метраў за секунду", - сказалі ў Гідрамеце.

Там таксама паведамілі, што ўдзень у Магілёўскай і Гомельскай абласцях месцамі магчымы град.

У сувязі з неспрыяльнымі ўмовамі надвор'я аб'яўлены перадапошні - аранжавы - узровень небяспекі.

Паводле інфармацыі Гідрамета, у чацвер цяплей за ўсё будзе ў Гомельскай вобласці - там днём паветра прагрэецца да +28°С, у астатніх абласцях будзе каля +20°С. Па прагнозах сіноптыкаў, да выхадных дажджы ў краіне спыняцца і тэмпература зноў наблізіцца да летніх адзнак.

Стужка навiн
0