Лукашэнка: будзе ці новая Канстытуцыя, або занясем праўкі ў дзеючую

© Photo : Николай Петров, БелТААляксандр Лукашэнка ўступае на пасаду прэзідэнта Беларусі, цырымонія інаўгурацыі адбылася ў Палацы Незалежнасці, лістапад 2015 года
Аляксандр Лукашэнка ўступае на пасаду прэзідэнта Беларусі, цырымонія інаўгурацыі адбылася ў Палацы Незалежнасці, лістапад 2015 года - Sputnik Беларусь
Падпісацца
Прапановы па змене Асноўнага закона рыхтуюць спецыялісты Канстытуцыйнага суда.

МІНСК, 31 мая - Sputnik. Прэзідэнт Беларусі Аляксандр Лукашэнка зноў выказаўся пра змену Канстытуцыі рэспублікі, адпаведную заяву ён зрабіў у пятніцу на сустрэчы з кіраўнікамі канстытуцыйных судоў замежных краін.

Тэма магчымых змяненняў у Канстытуцыю Беларусі абмяркоўваецца ўжо два гады. Як раней заяўляў кіраўнік дзяржавы, ён даручыў рыхтаваць прапановы па карэкціроўцы Асноўнага закону.

"Вельмі паскорыліся працэсы. Наша Канстытуцыя пачынае трошкі адставаць. Я папрасіў менавіта спецыялістаў Канстытуцыйнага суда, каб яны ўнеслі свае прапановы па магчымым удасканаленням нашай Канстытуцыі. А потым мы сядзем і абмяркуем", - выказаўся Лукашэнка на сустрэчы з кіраўнікамі канстытуцыйных судоў замежных краін.

Паводле слоў прэзідэнта, гэта будзе ці новая Канстытуцыя, або дзеючая - але з праўкамі.

Прэзідэнт Беларусі Аляксандр Лукашэнка - Sputnik Беларусь
Лукашэнка: нам цікавы замежны вопыт у сферы канстытуцыйнага права

Як падкрэсліў Лукашэнка, у Канстытуцыйным судзе Беларусі працуюць выключныя прафесіяналы - практыкі, тэарэтыкі.

"Адбіраем кожнага чалавека вельмі доўга. Гэта людзі, якія прайшлі жыццё, і ведаюць, чаго патрабуе ад нас сёння народ", - прыводзіць словы кіраўніка дзяржавы яго прэс-служба.

Як раней заяўляў Лукашэнка, папраўкі ў Канстытуцыю могуць быць унесены на працягу бліжэйшых пяці гадоў, аднак у бліжэйшыя два гады чакаць іх не варта - з-за хуткіх парламенцкіх і прэзідэнцкіх выбараў. Пры гэтым сутнасць магчымых зменаў пакуль не вядомая: як адзначаў кіраўнік дзяржавы, канцэпцыя абноўленага Асноўнага закона яшчэ не выпрацавана.

Чытайце таксама:

Стужка навiн
0