МІНСК, 4 чэр - Sputnik. Прэзідэнт Беларусі падчас сустрэчы з генеральным дырэктарам Сусветнай арганізацыі інтэлектуальнай уласнасці Фрэнсісам Гары заявіў аб гатоўнасці і далей развіваць супрацоўніцтва.
Аляксандр Лукашэнка назваў кіраўніка міжнароднай арганізацыі сваім сябрам, таму, што Беларусь таксама фактычна стаяла ля вытокаў стварэння арганізацыі і адразу далучылася да яе 16 лістапада 1967 года.
"Мы сустракаліся з вашымі папярэднікамі. І я даволі глыбока пагружаны ў праблемы Сусветнай арганізацыі інтэлектуальнай уласнасці і нашай нацыянальнай арганізацыі", - запэўніў беларускі лідар.
Пры гэтым ён звярнуў увагу, што падчас візіту Фрэнсіса Гары запланавана падпісанне мемарандума аб супрацоўніцтве нашай краіны і САІУ, дзе будуць прапісаны асноўныя палажэнні сумеснай працы.
Па словах прэзідэнта, нягледзячы на тое, што Беларусь даўно з'яўляецца членам САІУ, тым не менш, яна - маладая дзяржава. Зараз наша краіна пачала займацца пытаннямі абароны правоў інтэлектуальнай уласнасці.
"Нам шмат чаму трэба вучыцца. Вы нам у гэтым дачыненні дапамагаеце вельмі шмат. Асабліва ў плане адукацыйных праграм, падтрымкі нашых спецыялістаў. Я вам за гэта вельмі ўдзячны", - прыводзіць словы Аляксандра Лукашэнкі прэс-служба.
"Мы яшчэ больш намаганняў прыкладзем для таго, каб у нас была ў парадку нарматыўна-прававая база абароны правоў уласнасці", - падсумаваў кіраўнік дзяржавы.