МІНСК, 6 чэр - Sputnik. Папа Рымскі Францыск ухваліў змяненне тэксту малітвы "Ойча наш", паведамляе Daily Mail. Гэта звязана з тым, што вернікі раскрытыкавалі англійскі пераклад, які меў на ўвазе, што Бог, а не Сатана, уводзіць людзей у спакусу.
У прыватнасці, паведамляецца, што пантыфік змяніў радок "не ўводзь нас у спакусу", які зараз гучыць як "не дай нам паддацца спакусе" (гэта бліжэй да французскага пераклада).Размовы пра змены тэксту вядомай малітвы пачаліся ў 2017 годзе, тады Францыск адзначыў, што пераклад не зусім дакладны, паколькі ствараецца ўражанне, што Гасподзь ўводзіць людзей у спакусу.
"Гэта не Бог вядзе нас да спакусы, ён дапамагае нам падняцца. Той, хто ўводзіць нас у спакусу, - гэта Сатана, гэта яго роля", - удакладніў Папа Рымскі.
Гэты крок выклікаў неадназначную рэакцыю ў сацсетках. Так, карыстальнікі напісалі, што гэта не малітва Папы, а малітва Бога, таму яе нельга змяняць. Некаторыя прапанавалі Францыску сысці ў адстаўку.
