МІНСК, 10 чэр - Sputnik. Плату за праезд па платных аўтадарогах Беларусі адмяняюць на месяц для аўтамабіляў масай да 3,5 тон у сувязі з правядзеннем у краіне II Еўрапейскіх гульняў, паведамляе Sputnik.
Замежнікам, якія вырашаць наведаць спаборніцтвы на асабістых аўто, з 10 чэрвеня па 10 ліпеня не прыйдзецца аплачваць праезд па трасах: ім не трэба заключаць дагавор карыстання платнай дарогай, рэгістраваць машыну ў сістэме BelToll і ўсталёўваць на яе адмысловую прыладу для аплаты. Гэта прадугледжана ўказам прэзідэнта №292 "Аб мерах па падрыхтоўцы і правядзенню II Еўрапейскіх гульняў 2019 года", які быў падпісаны яшчэ 24 ліпеня 2018 года.
Важна памятаць, што калі аўтамабіліст ужо зарэгістраваны ў сістэме, усталяваў прыладу для аплаты ў сваім аўто і збіраецца ездзіць па платных участках дарог на працягу бліжэйшага месяца, яму варта пакласці прыбор для аплаты ў металізаванай пакет. Калі гэтага не зрабіць, пры праездзе пад рамкамі збору платы прылада будзе выдаваць гукавыя сігналы, аднак грошы з рахунку кліента пры гэтым спісвацца не будуць.
Платны праезд па дарогах Беларусі зноў пачне дзейнічаць 11 ліпеня ў 00:00. З гэтага моманту вадзіцелі аўто з масай больш за 3,5 тоны і з масай не больш за 3,5 тоны, зарэгістраваных за межамі Еўразійскай эканамічнай саюза, павінны будуць аплачваць праезд у звычайным рэжыме.
