Абрад "Ваджэнне і пахаванне Стралы" звычайна праводзіўся на Ушэсце. Жанчыны вадзілі карагоды, спявалі песні і паступова рухаліся ў бок поля, каб сваімі песнямі адвесці пагрозу пажараў ад пасеваў і накіраваць на іх энергію сонца і дождж.
Стралой называлі карагоды, а галоўнай песняй лічылася маленне, у якім утрымліваўся зварот да нябеснай стыхіі.
Зараз абрад "Ваджэнне і пахаванне Стралы" праводзіцца толькі на Гомельшчыне – у Веткаўскім і Чачэрскім раёнах.
Глядзіце ў фотастужцы Sputnik, як праходзіць адзін з самых архаічных абрадаў Беларусі.
Глядзіце таксама:
- Як праходзіць абрад "Ваджэнне і пахаванне Стралы" ў вёсцы Стаўбун на Веткаўшчыне
1/15
© Sputnik / Альфрэд Мікус
Абрад "Ваджэнне і Пахаванне Стралы" звычайна праводзіўся на Ушэсце.
2/15
© Sputnik / Альфрэд Мікус
Жанчыны вадзілі карагоды, спявалі песні і паступова рухаліся ў бок поля, каб сваімі песнямі адвесці пагрозу пажараў ад пасеваў і накіраваць на іх энергію сонца і дождж.
3/15
© Sputnik / Альфрэд Мікус
На кожным скрыжаванні дарог у вёсцы карагоды вадзілі ў выглядзе сонечнага круга.
4/15
© Sputnik / Альфрэд Мікус
У цэнтры вёскі карагод набываў форму змейкі, якая сімвалізавала маланку. Лічылася, што яна прынясе дождж, а з ім і ўрадлівасць, а людзям - здароўе і дабрабыт.
5/15
© Sputnik / Альфрэд Мікус
Таксама карагод вадзілі вакол маленькіх дзетак, пасля чаго іх падкідвалі на руках, каб такім жа высокім быў і новы ўраджай.
6/15
© Sputnik / Альфрэд Мікус
Усе дзеянні паўтаралі на полі.
7/15
© Sputnik / Альфрэд Мікус
Галоўнай "стрэльнай" песняй лічылася тая, у якой утрымліваўся зварот-маленне да нябеснай стыхіі.
8/15
© Sputnik / Альфрэд Мікус
Абавязкова на полі трэба было пакачацца па зямлі і закапаць тое, што лічылася сімвалам стралы.
9/15
© Sputnik / Альфрэд Мікус
Сімвалам Стралы ў кожнай вёсцы былі свае рэчы - манеты, упрыгажэнні, каласкі.
10/15
© Sputnik / Альфрэд Мікус
У некаторых вёсках закапвалі ляльку з травы і анучы, якая сімвалізавала вясну.
11/15
© Sputnik / Альфрэд Мікус
Кожная гаспадыня зрывала сем каласкоў, адносіла іх да хаты і ў якасці абярэгу захоўвала ў Чырвоным куце за абразом.
12/15
© Sputnik / Альфрэд Мікус
У адрозненне ад астатніх вёсках у Валасовічах удзельніцы абрада раскладалі вогнішча, прыгалі праз яго і каталіся па зямлі вакол.
13/15
© Sputnik / Альфрэд Мікус
Такім чынам жанчыны зазывалі сонейка сагрэць зямлю...
14/15
© Sputnik / Альфрэд Мікус
...і дапамагчы раслінам хутчэй падняцца.
15/15
© Sputnik / Альфрэд Мікус
Пасля абрада ў вёсцы абавязкова ладзілі застолле, дзе збіраліся ўсе ўдзельнікі.
