МІНСК, 16 чэр - Sputnik. Першая пасля пажару служба ў Саборы Парыжскай Божай Маці прайшла ў суботу, паведамляе РІА "Новости".
Найбуйнейшы пажар у гісторыі Нотр-Дама адбыўся 15 красавіка. У выніку абрынуўся шпіль сабора. На шчасце, галоўныя творы мастацтва, гэтак жа як і рэліквіі, якія захоўваліся ў саборы, ацалелі. Па папярэдніх дадзеных, прычынай пажару маглі стаць рэстаўрацыйныя работы. Расследаванне інцыдэнту вядзецца ў сувязі з ненаўмысным прычыненнем шкоды падчас узгарання.
У суботу ў 18:00 (па мясцовым часе) пачалася першая пасля пажару служба, яе правёў архібіскуп Парыжа монсіньёр Мішэль Апеці, на якім была каска ў мэтах бяспекі. Галаўныя ўборы былі і на іншых святарах. Усяго ўдзел у службе ўзялі каля 30 чалавек, сярод якіх былі рэстаўратары, валанцёры і проста вернікі. Яны таксама былі ў ахоўных касках.
Малая колькасць людзей было абумоўлена тым, што з-за меркаванняў бяспекі доступ на службу быў абмежаваны.
Раней міністр культуры Францыі Франк Рыестэр заявіў, што рэстаўрацыя Сабору можа заняць пяць гадоў. Паводле яго слоў, спяшацца ў гэтай працы нельга - важна правесці работы якасна.
Міністр дадаў, што сабор можа быць адкрыты для вернікаў і турыстаў раней, "аднак аднаўленчыя работы звонку будуць яшчэ працягвацца".
