МІНСК, 21 чэр - Sputnik. Цэнтралізаванае тэсціраванне (ЦТ) па замежнай мове пройдзе ў пятніцу ў Беларусі, паведамляе Sputnik.
Цэнтралізаванае тэсціраванне - асноўны этап уступнай кампаніі ў беларускія ВНУ. На працягу чэрвеня абітурыенты здаюць ЦТ па выбраных прадметах.
У гэтую пятніцу абітурыенты здадуць цэнтралізаванае тэсціраванне па замежнай мове. Большасць дзяцей пойдзе на экзамен па англійскай, таксама абітурыенты будуць праходзіць ЦТ па французскай, нямецкай, кітайскай або іспанскай мовах.
У цэлым на цэнтралізаванае тэсціраванне па замежнай мове запісалася каля 21 тысячы абітурыентаў па ўсёй Беларусі.
Вынікі цэнтралізаванага тэсціравання з'яўляюцца, як правіла, на працягу дзесяці дзён пасля самога выпрабавання. Дакладных дат з'яўлення адзнак за ЦТ у Рэспубліканскім інстытуце кантролю ведаў (РІКВ) не называлі.
