Ці не час нам падвучыць родную мову і навучыць ёй турыстаў? Што такое "прыгажосць", "каханне", "знічка", "плот" і "хрушч"? З такім пытаннем карэспандэнты Sputnik звярнуліся не толькі да беларусаў, але і да гасцей нашага горада, якія прыехалі на II Еўрапейскія гульні і шпацыруюць зараз па Нямізе.
Цікава, што госця з Сібіры беспамылкова пазнала ў "прыгажосці" - прыгажосць, а ў "каханні" - каханне. Нават у слове "знічка" яна адчула штосьці "ласкавае, жаночае". Так і ёсць, бо наша беларуская "знічка" - гэта руская "падаючая зорка".
Складаней справы ідуць з "плотам". Не ўсе здолелі распазнаць у ім просты плот. Складанасці ўзніклі і з "хрушчом". Не так даўно мінчане скардзіліся на нашэсце гэтых казурак, і самыя прадпрымальныя нават адлоўлівалі і прадавалі іх. Каго? Хрушчоў. "Хрусценне", "нейкая ежа", "расліна" - чаго толькі ні меркавалі нашы суразмоўцы.
Глядзіце на відэа, як адказвалі на пытанні журналіста Sputnik мінчане і госці.
Sputnik вядзе тэкставую анлайн-трансляцыю ўсіх спаборніцтваў аўторка.
Чытайце таксама:
- Апытанне Sputnik: ці добра вы ведаеце беларускія прымаўкі?
- Бульба і каханне: жыхары Азіі распавялі пра любімыя беларускія словы
- Чобрык ці кубло: адгадайце значэнне беларускіх слоў
