МІНСК, 26 чэр - Sputnik. Прэс-служба Крамля пацвердзіла, што прэзідэнт Расіі Уладзімір Пуцін прыме ўдзел ва ўрачыстай цырымоніі закрыцця II Еўрапейскіх гульняў, якія праходзяць у гэтыя дні ў Мінску.
Напярэдадні беларускі лідар Аляксандр Лукашэнка правёў тэлефонную размову са сваім расійскім калегам, падчас якой запрасіў яго 30 чэрвеня ў Мінск - на закрыццё гульняў.
"Трыццатага чэрвеня Уладзімір Пуцін наведае Рэспубліку Беларусь з рабочым візітам, падчас якога прыме ўдзел ва ўрачыстай цырымоніі закрыцця II Еўрапейскіх гульняў", - гаворыцца ў паведамленні Крамля, распаўсюджаным у сераду 26 чэрвеня.
Чакаецца, што ў гэты ж дзень прэзідэнты Беларусі і Расіі правядуць сустрэчу, падчас якой абмяркуюць шэраг двухбаковых пытанняў.
Да завяршэння II Еўрапейскіх гульняў засталося чатыры дні, да цяперашняга часу ўжо разыграна больш за 70 камплектаў узнагарод. У агульным медальным заліку лідзіруе зборная Расіі (25, 15, 9), на другім месцы - Беларусь (15, 10, 19), на трэцім - Грузія (6, 5, 3).
