Пасол абышоў усю зону гасціннасці ў Доме расійскага заўзятара, у адной з лакацый паспрабаваў сваю сілу, у другой - разгледзеў факел, якім запальвалі агонь Алімпійскіх гульняў у 1980 годзе, і не сышоў без пакупак.
Калі Мезенцаў зайшоў у краму для тых, хто падтрымлівае каманду Расіі, яму спадабалася кепка. "А карты прымаеце?" - пацікавіўся пасол і тут жа аформіў куплю. Кепка дасталася жонцы Мезенцава - Яўгеніі Яўгенаўне. У абноўцы яна працягнула экскурсію па Доме расійскага заўзятара.
Наперадзе пасла чакала яшчэ выстава работ пераможцаў у намінацыі "Спорт" Міжнароднага конкурсу журналістыкі імя Андрэя Сценіна. Пасол з жонкай вывучылі фота і зацікавіліся раздатачным матэрыялам, які прапануюць у Доме заўзятара.
Нават для сцяга Расіі, які можа ўзяць госць Дома, каб прадэманстраваць, каго падтрымлівае, у посла знайшлася ідэя - ён прапанаваў раздаваць заўзятарам яшчэ і значкі. Завязваць сцяг на плячах нязручна, перакананы Мезенцаў, лепш было б прымацоўваць яго значком да грудзей.
Мезенцаў распісаўся на спецыяльнай дошцы, нагадаўшы, што Расія прыняла ўжо дзве Алімпіяды з перапынкам больш чым у 30 гадоў.
