МІНСК, 3 ліп - Sputnik. Прэзідэнт Расійскай Федэрацыі Уладзімір Пуцін паведаміў, што 18 ліпеня ў Пецярбургу правядзе перамовы з беларускім калегам Аляксандрам Лукашэнкам. Тэмай абмеркавання стануць інтэграцыйныя працэсы.
Як раней паведамляў Sputnik, 18 ліпеня ў Санкт-Пецярбургу запланавана правядзенне VI пасяджэння форуму рэгіёнаў дзвюх краін.
За некалькі гадзін да сустрэчы з паслом Беларусі Уладзімір Пуцін павіншаваў Аляксандра Лукашэнку з Днём незалежнасці і выказаў упэўненасць, што дзве дзяржавы будуць і надалей развіваць канструктыўнае двухбаковае супрацоўніцтва ва ўсіх абласцях, а таксама ўзаемавыгадныя інтэграцыйныя працэсы ў рамках Саюзнай дзяржавы і на еўразійскай прасторы.
У сваю чаргу, беларускі лідар раней падзяліўся сваімі планамі на паездку ў Расію ў другой дэкадзе ліпеня.
"Ужо калі будзе форум рэгіёнаў на радзіме ў вас (Форум рэгіёнаў Беларусі і Расіі пройдзе з 16 па 18 ліпеня ў Санкт-Пецярбургу - Sputnik), мы з Пуціным паедзем на Валаам маліцца, там дадаткова абмяркуем", - распавёў ён кіраўніку ўрада РФ Дзмітрыю Мядзведзеву на цырымоніі адкрыцця II Еўрапейскіх гульняў у Мінску.
