Здарэнне адбылося ўвечары ў мінулую сераду - у выніку загінула 64-гадовая жанчына. Ёй смяротную рану прычыніў асколак, які трапіў у сонную артэрыю. Паводле інфармацыі Міністэрства аховы здароўя, па меддапамогу да раніцы чацвярга звярнуліся дзесяць чалавек.
Следчы камітэт Беларусі распачаў крымінальную справу па факце выбухаў. Высветлілася, што піратэхнічныя вырабы, якія падарваліся падчас салюту, выраблены ў Расіі.
Падрывы феерверкаў адбыліся ў трох з шасці месцаў, у якіх запускалі салют, адзначае Мінабароны рэспублікі. Папярэдняя прычына надзвычайнага здарэння - няякасныя зарады аднаго з калібраў.
Ваеннае ведамства ўдакладніла, што ўсе правілы бяспекі былі выкананыя, вайскоўцы прайшлі неабходную падрыхтоўку. Мінабароны таксама выказаў спачуванні родным і блізкім загінулай.
