МІНСК, 6 ліп - Sputnik. Святочныя мерапрыемствы ў рамках традыцыйнага фестывалю "Александрыя збірае сяброў - 2019" стартуюць сёння, паведамляе Sputnik.
У гэтым годзе маштабнае мерапрыемства, якое штогод праводзіцца на малой радзіме прэзідэнта Беларусі Аляксандра Лукашэнкі (у аграгарадку Александрыя Шклоўскага раёна), расцягнецца на ўсе выхадныя, 6 і 7 ліпеня.
На працягу двух дзён будуць працаваць падрыхтаваныя забаўляльныя зоны для гасцей, кірмаш, пройдуць экскурсіі, раскінуцца выставы, а ў насычанай шоу-праграме ёсць нават цыркавое прадстаўленне і паказальныя палёты самалётаў.
Традыцыйна ў рамках фестывалю праходзіць вялікі гала-канцэрт з выступленнем творчых калектываў з усіх рэгіёнаў Беларусі і вядомых зорак. Так, у гэтым годзе на сцэну "Александрыі" выйдуць Леў Лешчанка, Ціна Караль, Аляксандр Саладуха, Алёна Ланская і не толькі.
У гэтым годзе фестываль адзначыць дзесяцігоддзе. Дарэчы, на свяце ў мінулым годзе адной з галоўных зорак была Таісія Павалій: беларускі лідар Аляксандр Лукашэнка нават праспяваў з ёй дуэтам. На мерапрыемстве ў 2018 годзе таксама выступіў на публіцы і малодшы сын прэзідэнта Мікалай - ён сыграў на фартэпіяна.
