Робат па імені Ай-Да лічыцца першым у свеце такога роду. Стваральнікі надалі робату жаночае аблічча, у маніпулятары ўклалі аловак і "навучылі" маляваць. Цяпер Ай-Да выстаўляецца ў Оксфардзе.
"Ва ўсіх мастакоў ва ўсе часы была адна рэальная праца і мэта: адлюстроўваць грамадства, у якім яны знаходзіліся. Ай-Да адлюстроўвае тэхналогіі, якія мы выкарыстоўваем сёння", - распавёў стваральнік робата Эйдэн Мелер.
Камеры, устаноўленыя ў вачах робата, перадаюць малюнак, затым працэсар апрацоўвае атрыманую інфармацыю, і маніпулятар з алоўкам выводзіць на палатне малюнак. Так, пакуль тварэнні робата не фотарэалістычныя, але ў гэтым і складаецца іх унікальнасць.
Ай-Да, названая ў гонар першай жанчыны-праграміста Ады Лаўлэйс, ужо зарабіла на сваіх малюнках больш за мільён долараў.
