МІНСК, 13 ліп - Sputnik. Беларуская біятланістка Надзея Пісарава, якая завяршыла кар'еру больш за год таму, гэтай радаснай навіной спартсменка падзялілася на сваёй старонцы ў Instagram.
Посмотреть эту публикацию в Instagram
Беларуска размясціла фота з выпіскі з радзільні, зробленыя некалькі дзён таму. Асабліва парадавала прыхільнікаў Пісаравай тое, што яна нарадзіла двайнятак. Спартсменка нават падпісала фатаграфіі хэштэгам "Каралеўскія двайняты".
"Віншую вас! Гэта крута - адразу двое малых. Шчасця і здароўя вашай сям'і!!!", - напісала адна з падпісчыц.
Нагадаем, у маі 2018 года Надзея Пісарава заявіла аб завяршэнні спартыўнай кар'еры. А 8 чэрвеня мінулага года экс-біятланістка выйшла замуж за сэрвісмена расійскай зборнай па біятлоне Андрэя Шатохіна.
Пісарава з'яўляецца бронзавым прызёрам Чэмпіянату свету па біятлоне 2011 года ў эстафеце. Спартсменка двойчы прымала ўдзел у Алімпійскіх гульнях - у Сочы ў 2014 годзе і ў Пхенчхане ў 2018 годзе.
