Ці мяняюць прахадныя балы ў ВНУ пасля росту адзнак на ЦТ?

© Sputnik / Виктор ТолочкоЦі мяняюць прахадныя балы ў ВНУ пасля росту адзнак на ЦТ?
Ці мяняюць прахадныя балы ў ВНУ пасля росту адзнак на ЦТ? - Sputnik Беларусь
За два дні да канца тэрміну падачы дакументаў на бюджэтнае аддзяленне конкурс склаўся на нешматлікіх спецыяльнасцях у беларускія ВНУ.

Падача дакументаў на бюджэтнае аддзяленне беларускіх ВНУ працягваецца з мінулай пятніцы. Традыцыйна на тое, каб "праскочыць" на бюджэт, адводзіцца малы тэрмін: усяго пяць дзён. На некаторых спецыяльнасцях ўжо на другія суткі склаўся конкурс абітурыентаў, то бок колькасць жадаючых вучыцца бясплатна перавысіла колькасць месцаў, аднак на большасці заяваў па-ранейшаму занадта мала.

Ці мяняюцца прахадныя балы?

Пасля змены сістэмы ацэнкі ЦТ сёлета многія меркавалі, што прахадныя балы ў ВНУ прыкметна вырастуць.

Дзе сачыць за ходам падачы дакументаў у ВНУ? - Sputnik Беларусь
Дзе сачыць за ходам падачы дакументаў у ВНУ?

Пакуль аб прахадных балах можна толькі рабіць здагадкі, зыходзячы з маніторынгу ходу падачы заяў. Так, у Белдзяржуніверсітэце на шэраг спецыяльнасцяў ужо склаўся конкурс. Ці адрозніваюцца на дадзены момант прыкметна балы паступаючых?

Бягучы "прахадны бал" для студэнтаў па спецыяльнасці "біялогія" вагаецца паміж 311 і 320 баламі. Зрэшты, набор ідзе на групу спецыяльнасцяў, і ў выніку прахадны будзе адразу на ўвесь факультэт. У мінулым годзе на біяфак патрабавалася ад 268 балаў.

Блізка да леташніх лічбаў ідзе і гістарычны факультэт: на групу спецыяльнасцяў у мінулым годзе патрабавалася ад 275 балаў. На самую запатрабаваную спецыяльнасць гістфака пакуль прахадны вагаецца каля 280 балаў.

Ніжэй за балы мінулага года пакуль значэнні на "лінгвакраіназнаўства" ФМА: у мінулым годзе патрабавалася больш за 377 балаў. Пакуль жа ўмоўна "праходзяць" рабяты з баламі ад 351. Зрэшты, калі на гэтую спецыяльнасць "перакінуць" дакументы абітурыенты з больш высокімі баламі, то і прахадны вырасце.

Кіраўнік Міністэрства адукацыі Ігар Карпенка - Sputnik Беларусь
Сеткавую падрыхтоўку на ваенных кафедрах збіраюцца ўвесці ў ВНУ Беларусі

Каля леташніх значэнняў знаходзяцца і іншыя запатрабаваныя спецыяльнасці, у тым ліку "Міжнароднае права" і "Сучасныя замежныя мовы (пераклад)".

У БДУІРы таксама балы на спецыяльнасцях, дзе ўжо склаўся конкурс, на дадзены момант блізкія да леташніх. На дзень панядзелка для бюджэту на "Праграмнае забеспячэнне інфармацыйных тэхналогій" патрабуецца ад 350 балаў (было 369), на "Аўтаматызаваныя сістэмы апрацоўкі інфармацыі" - больш за 310 (было 358). Зрэшты, важна ўлічваць, што ў БДУІРы таксама ідзе набор на групы спецыяльнасцяў, то бок выніковыя балы могуць апынуцца іншымі.

Падобная карціна назіраецца пакуль і ў медуніверсітэце, а таксама іншых ВНУ.

Ясней карціна з прахаднымі баламі будзе да 17 ліпеня, аднак на дадзены момант ніякага "скачка" на запатрабаваных спецыяльнасцях няма: дзе яны былі высокімі, там такімі ж і застаюцца. Зрэшты, не выключана, што карціна зменіцца.

А як у тых, дзе балы ніжэй?

Як раней тлумачылі ў Рэспубліканскім інстытуце кантролю ведаў, рост прахадных балаў чакаецца на тых спецыяльнасцях, дзе яны раней былі невысокімі. У першую чаргу гэта тычылася інжынерных спецыяльнасцяў.

Пайду на фарм - ён грашовы: хто паступае ў лепшую медыцынскую ВНУ краіны - Sputnik Беларусь
Пайду на "фарм" - ён грашовы: хто паступае ў лепшую медыцынскую ВНУ краіны

На дадзены момант на большасці спецыяльнасцяў БНТУ конкурсу няма. Напрыклад, на 75 месцаў "Тэхналогіі машынабудавання" пададзена 52 заявы, і на дадзены момант праходзяць абітурыенты з баламі ў дыяпазоне ад 141 да 150. У мінулым годзе прахадны тут склаў 164.

На "Прамысловым і грамадзянскім будаўніцтве" конкурс склаўся: на 95 месцаў пададзена 109 заявак. На дадзены момант ўмоўна прахаднымі можна назваць балы ў дыяпазоне ад 221 да 230. Для параўнання: у 2018-м ён складаў 214. На "геадэзіі" таксама склаўся конкурс, на дадзены момант надзея ёсць у рабят з баламі ў дыяпазоне ад 161 да 170.

Зрэшты, у БНТУ абітурыенты таксама выбіраюць групы спецыяльнасцяў і расстаўляюць прыярытэты, таму ясней прахадныя балы будуць толькі пазней.

Рана судзіць?

Пакуль ніякіх намёкаў на "шокавыя" змены прахадных балаў у ВНУ няма. Аднак самая вялікая "чахарда" пачнецца ў апошні дзень падачы: шмат хто будзе пераносіць дакументы на іншыя спецыяльнасці, зыходзячы з наяўнай карціны.

Верагодна, яшчэ не падалі дакументы многія абітурыенты са слабымі баламі: з-за асцярог рэзкага росту прахадных на дадзеным этапе многія ўважліва сочаць за маніторынгам.

Аднак частка з іх усё ж вырашаецца: як і ў папярэднія гады, сярод тых, хто падаюць дакументы, ёсць і выпускнікі, у каго ўсяго 120 балаў з 400 магчымых.

Важна памятаць, што ў апошні дзень прыёму дакументаў маніторынгі будуць абноўлены ў 15:00, і пасля гэтага даведацца пра колькасць пададзеных на тыя ці іншыя спецыяльнасці заяў будзе немагчыма.

Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
АҧсныАҧсышәалаАбхазскіԱրմենիաՀայերենАрмянскіAzərbaycanАzərbaycancaАзербайджанскіХуссар ИрыстонИронауАсецінскіსაქართველოქართულიГрузінскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі