МІНСК, 18 ліп - Sputnik. Нарматыўныя акты для стварэння адзінай візавай прасторы Саюзнай дзяржавы Расіі і Беларусі могуць быць падрыхтаваны на працягу бліжэйшых месяцаў, заявіў у сераду кіраўнік міжнароднага камітэта Савета Федэрацыі Канстанцін Касачоў.
Магчымасць стварэння адзінай візавай прасторы Беларусі і Расіі эксперты абмяркоўвалі ў рамках спецыяльнай сесіі на Форуме рэгіёнаў дзвюх краін, які праходзіць у Санкт-Пецярбургу.
Як заявіў у ходзе абмеркавання сенатар Касачоў, "афармленне неабходных для гэтага нарматыўных актаў - гэта справа бліжэйшых месяцаў".
Дзяржсакратар Саюзнай дзяржавы Рыгор Рапота мяркуе, што неабходна ўнесці папраўкі ў заканадаўства, якія б перасталі рабіць з жыхароў Беларусі і Расіі замежнікаў у краінах.
"Натуральна, мы думаем, што рабіць. Першае, што прыходзіць у галаву, - у нас павінна быць прынята або ў заканадаўстве, або міжнародны акт, які б выключаў з катэгорыі "замежнік" у РФ беларусаў, а ў Беларусі - расіян", - прапанаваў Рапота.
Аналагічную практыку, на думку Рапоты, неабходна распаўсюдзіць і на прадпрыемствы: каб беларускія і расійскія арганізацыі мелі роўныя правы і не лічыліся замежнымі ў абедзвюх краінах.
Тэма стварэння "саюзнай візы" абмяркоўваецца Беларуссю і Расіяй апошнія некалькі гадоў. Як заяўляў Рапота, адпаведны дакумент знаходзіцца ў высокай ступені гатоўнасці.
