Роставыя фігуркі талісмана II Еўрапейскіх гульняў Лесіка вырашана перанесці на дзіцячыя пляцоўкі ў гарадскія паркі, паведамілі ў эфіры тэлеканала СТБ.
Пакуль Лесікі з таблічкамі "Запрашаем" вітаюць гасцей беларускай сталіцы на ўездзе ў Мінск з боку Брэста, Віцебска, Гродна і Магілёва. Пяты Лесік стаіць каля стадыёна "Дынама".
"Я думаю, яны яшчэ будуць цікавыя. Таму каля "Дынама" Лесік яшчэ застаецца, а тыя, якія на ўездах, мы плануем устанавіць на дзіцячых пляцоўках, у гарадскіх парках. Дзеці ўсе любяць такія роставыя фігуры", - распавяла ў эфіры СТБ кіраўнік службы па добраўпарадкаванні УП "Мінскзеленбуд" Анжаліка Пузанкова.
Яна нагадала, што сімвал Еўрапейскіх гульняў павінен застацца ў горадзе, паколькі гульні сталі знакавай падзеяй і былі цёпла прынятыя гасцямі.
Дарэчы, у Мінску падчас II Еўрапейскіх гульняў 2019 было прададзена сувенірнай прадукцыі, у тым ліку цацак Лесіка, а таксама тэкстылю з выявай маскота больш чым на мільён рублёў.
