МІНСК, 26 ліп - Sputnik. Беларускі дзяржаўны педагагічны ўніверсітэт (БДПУ) падвёў вынікі залічэння на першы курс дзённага аддзялення бюджэтнай формы атрымання адукацыі.
Падача дакументаў на бюджэт у ВНУ рэспублікі завяршылася 17 ліпеня. У тэрмін да 28 ліпеня ўніверсітэты і акадэміі праводзяць залічэння першакурснікаў і падводзяць вынікі прыёмнай кампаніі.
У пятніцу прахадныя балы 2019 года назваў і Беларускі педуніверсітэт. Максімальны бал склаўся сёлета на спецыяльнасцях "Лагапедыя" - 314 балаў (у мiнулым годзе ён складаў 286 балаў) і "Псіхалогія" - 305 балаў (супраць 316 год таму). Дарэчы, на першай згаданай спецыяльнасці будуць вучыцца студэнты з самымі высокімі баламі - 358 і 350.
Прахадны бал на спецыяльнасць "Спартыўна-педагагічная дзейнасць" у гэтым годзе дасягнуў 285 балаў (264), амаль столькі ж - на спецыяльнасці "Тыфлапедагогіка" інстытута інклюзіўнай адукацыі - 286 балаў (203).Прахадны бал на спецыяльнасць "Сацыяльная педагогіка" у 2019 годзе - 260 (151 у 2018 годзе), на "Выяўленчае мастацтва і камп'ютарная графіка" - 322 (325 у папярэднім годзе), на "Руская мова і літаратура" філфака - 306 (201), на "Матэматыка і інфарматыка" - 248 балаў (133).
На "Дашкольная адукацыя" і "Пачатковая адукацыя" прайшлі абітурыенты з сумай у 230 і 268 балаў адпаведна (супраць 192 і 236 па выніках мінулага года).
У БДПУ сёлета назіраюць адчувальны рост балаў: ён прыкметны на большасці спецыяльнасцяў і дасягае нават 115 пунктаў. Сярэдні конкурс па ўніверсітэце склаў каля двух чалавек на месца.
Нагадаем, аж да 4 жніўня педуніверсітэт прымае дакументы на платнае аддзяленне.
