МІНСК, 27 ліп - Sputnik. Федэральнае агенцтва па друку і масавых камунікацыях (Росдрук) і Міжнародны прэс-клуб падвялі вынікі Усерасійскага конкурсу СМІ "Патрыёт Расіі - 2019", паведамілі ў аргкамітэце конкурсу.
У намінацыі "Служу Айчыне" першае месца прысудзілі спецпраекту агенцтва Sputnik "Афган.Online", прымеркаванаму да 30-годдзя вываду савецкіх войскаў з Афганістана.
Спецпраект заснаваны на рэальных падзеях 1978-2001 гадоў. Што было б, калі б прэзідэнты ЗША, савецкія генсекі, лідары афганскага ўрада і палявыя камандзіры вялі сацсеткі, выкладалі фота і відэа? Аўтары ў пяціхвілінных роліках распавялі пра ўзброены канфлікт, не скаціўшыся пры гэтым у прапаганду.
"Задача была ў тым, каб не закрануць больш старэйшую аўдыторыю, якая магла б палічыць гэта непавагай да тэмы. Серыял размясцілі на сайце аб'яднання ветэранаў Афганістана, і яны ўсяляк спрыялі папулярызацыі тэмы", - распавяла начальнік упраўлення мультымедыйных цэнтраў Sputnik Маргарыта Някрасава.
Праект выйшаў на 14 сайтах Sputnik ў краінах блізкага замежжа. У YouTube серыял ужо сабраў больш за 150 тыс. праглядаў.
