МІНСК, 29 ліп - Sputnik. Беларускія вайскоўцы пачалі аказваць дапамогу аграрыям ва ўборцы ўраджаю, паведамілі ў панядзелак у прэс-службе Міністэрства абароны Беларусі.
Уборачная пачалася ў рэспубліцы ў сярэдзіне ліпеня. Да цяперашняга часу ўжо ўбрана каля 40% плошчаў і намалочана амаль 2,8 мільёна тон збожжа.
"Традыцыйна ваенныя аказваюць дапамогу сельскагаспадарчым арганізацыям краіны ва ўборцы ўраджаю. З гэтай мэтай ва Узброеных сілах сфармаваныя два зводныя аўтамабільныя падраздзяленні", - сказалі ў Мінабароны.
Там таксама паведамілі, што ваенныя працуюць у дзвюх абласцях рэспублікі - Гродзенскай і Магілёўскай. Вайскоўцы задзейнічаны ў перавозцы збожжа - для гэтага выкарыстоўваюцца 40 адзінак тэхнікі.
Як раней паведамляў Sputnik, у бягучым годзе прэзідэнт краіны Аляксандр Лукашэнка паставіў аграрыям задачу сабраць 9,5 мільёнаў тон збожжавых.
