МІНСК, 2 жні - Sputnik. Расія і Беларусь па пытанні адмены роўмінгу павінны падпісаць дарожную карту, якая дазволіць дзейнічаць далей па дадзенай праблеме, паведаміў журналістам намеснік кіраўніка Мінкамсувязі Расіі Алег Іваноў.
Раней у ходзе форуму рэгіёнаў у Санкт-Пецярбургу спікер Савета Федэрацыі Валянціна Мацвіенка заявіла, што Расія гатова адмяніць роўмінг з Беларуссю і гэтае пытанне можа быць вырашана да 15 верасня.
У сваю чаргу спікер Савета Рэспублікі Міхаіл Мясніковіч пацвердзіў, што вырашыць пытанне аб адмене роўмінгу ў Саюзнай дзяржаве можна ўжо ў гэтым годзе і для гэтага ўсё робіцца.
"Мы па перапісцы досыць сур'ёзна згладзілі пазіцыі, зараз мы хочам іх зафіксаваць у "дарожнай карце", распрацаваць і падпісаць яе з двух бакоў, гэта было б вельмі добра, мы да гэтага імкнемся", - заявіў Іваноў у Полацку, дзе праходзіць рабочая нарада па пытанні адмены саюзнага роўмінгу.
Паводле яго слоў, у "дарожнай карце" плануецца пазначыць усе тэрміны і дзеянні па адмене роўмінгу. Адпаведныя праекты дакументаў ужо падрыхтаваныя.
"У нас доўгая перапіска, мы некалькі разоў сустракаліся. Адчувальныя вельмі моманты, і там не хацелася б дзейнічаць груба", - адзначыў намеснік кіраўніка Мінкомсвязі РФ.
На працоўнай нарадзе ў гэтую пятніцу беларускі і расійскі бок плануюць узгадніць усе пытанні, дзе яшчэ ёсць разыходжанні пазіцый.
"Калі атрымаецца падпісаць ("дарожную карту"- Sputnik), падпішам. І ў далейшым па гэтай "дарожнай карце" (працягнем - Sputnik) ісці", - запэўніў расійскі чыноўнік.
Праўда, ён не змог пракаментаваць дату адмены роўмінгу, якая была названая падчас рэгіянальнага форуму дзвюх краін, які адбыўся ў Пецярбургу.
Упершыню пытанне аб адмене роўмінгу паміж Расіяй і Беларуссю ўздымалася на пасяджэнні Вышэйшага Дзяржаўнага савета Саюзнай дзяржавы вы 2017 годзе. Тады прэзідэнты Уладзімір Пуцін і Аляксандр Лукашэнка даручылі чыноўнікам дзвюх краін заняцца вырашэннем гэтага пытання.
