МІНСК, 4 жні - Sputnik. Памёр расійскі спявак і кампазітар Вілі Токараў, які набыў вядомасць пасля таго, як эміграваў з СССР у ЗША.
"Так, Вілі сышоў", - паведаміў РІА "Новости" сын музыкі Антон Токараў.
Музыканту, які ў 1990-я вярнуўся ў Маскву, было 84 гады. Прычына смерці пакуль не вядомая. Пра час і дату развітання інфармацыі пакуль няма.
Шансанье пераехаў у Злучаныя Штаты ў 1974 годзе, але вядомасць да яго прыйшла толькі ў 1981 годзе, калі выйшла другая яго кружэлка пад назвай "У шумным балагане". Праўда, па-сапраўднаму папулярным Вілі Токараў быў толькі ў асяроддзі рускамоўных амерыканцаў.
У пачатку 1990-х гадоў ён вярнуўся ў Расію і жыў у Маскве. У 2006 годзе шансанье стаў ганаровым жыхаром Таганскага раёна расійскай сталіцы.
