МІНСК, 6 жні - Sputnik. Брытанскае выданне The Guardian прызнала, што выставіла на адрас агенцтва Sputnik France ілжывае абвінавачванне з нагоды фатаграфіі пажару сабора Парыжскай Божай Маці.
Газета размясціла ў сваім Instagram публікацыю, у якой гаворыцца, што ў праекце Fake or for real? вінаваціць агенцтва ў распаўсюджванні фэйкавай ілюстрацыі было некарэктна.
"У эпізодзе шоу ад 19 красавіка мы выказалі здагадку, што фатаграфіі, якія былі распаўсюджаны ў момант пажару ў Нотр-Дам, былі падробленыя. Пазней з намі звязаўся уладальнік аўтарскіх правоў на гэтую фатаграфію - Sputnik France - і, прызнаючы, што яна не была фальшывай, мы просім прабачэння, што выказалі здагадку аб адваротным", - адзначае брытанскае выданне.
Буйны пажар ахапіў сабор Парыжскай Божай Маці ўвечары 15 красавіка. Агнём пашкодзіла апорную канструкцыю, знакаміты шпіль абрынуўся. Паводле інфармацыі парыжскіх уладаў, структура сабора і галоўныя творы мастацтва, якія захоўваліся ў ім, ацалелі. Спецыялісты прытрымліваюцца версіі, што прычынай пажару стала замыканне праводкі або непатушаная цыгарэта - у той час Нотр Дам быў на рамонце.
Прэзідэнт Францыі Эмануэль Макрон паабяцаў аднавіць адну з галоўных славутасцяў Парыжа. Дапамогу ў рэстаўрацыі і зборы сродкаў ужо прапанавалі буйныя міжнародныя кампаніі.
