МІНСК, 16 жні - Sputnik. Прэзідэнт Беларусі Аляксандр Лукашэнка распарадзіўся распрацаваць праграму па ўключэнні ў абарот нізкаякаснай дзелавой драўніны - гэта значыць, такой, якая можа быць выкарыстана толькі на выраб дранкі або паліўных пялетаў, пра гэта ён заявіў падчас паездкі ў Старадарожскі раён.
Кіраўнік дзяржавы паставіў задачу перапрацаваць увесь драўняны рэсурс і рэалізаваць яго на працягу бліжэйшых трох гадоў. Такая драўніна можа выкарыстоўвацца не толькі для ўнутраных патрэб, але і на экспарт, піша БелТА.
У цэлым за 2018 год арганізацыі Мінлясгаса экспартавалі лесапрадукцыі больш чым на 140 млн рублёў.
Сёння прэзідэнт наведаў Старадарожскі вопытны лясгас, дзе разгледзеў не толькі фінансава-эканамічны стан канкрэтнай арганізацыі, але і ў цэлым работу лесагаспадарчай галіны.
Вытворчую структуру лясгаса ўтвараюць 7 лясніцтваў, вытворчы ўчастак і лясны гадавальнік. Таксама пры ім функцыянуе паляўнічая гаспадарка. Выручка ад рэалізацыі прадукцыі, работ, паслуг за першае паўгоддзе 2019 года склала 7,5 мільёна рублёў - гэта на 18,5% больш, чым у аналагічным перыядзе мінулага года.
Агульны аб'ём нарыхтоўкі ліквіднай драўніны ў Беларусі у 2018 годзе склаў 28,6 мільёнаў кубаметраў.
Ад рэалізацыі прадукцыі, работ і паслуг у гэтай сферы ў бягучым годзе прагназуецца выручка больш больш за адзін мільярд рублёў - гэта значыць, што за чатыры гады яна вырасла больш чым на 90%. Чысты прыбытак у 2019 годзе складзе не менш 40,9 мільёна рублёў.
Поспехі ў рабоце галіны адбіваюцца і на заробках працаўнікоў - сярэднямесячні заробак у бягучым годзе прагназуецца ў памеры не менш як 1016 рублёў.
