МІНСК, 18 жні - Sputnik. У нядзелю ў Беларусі будзе да +31°С, дажджы і навальніцы з парывістым ветрам магчымыя толькі месцамі па краіне. Пра гэта паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
"18 жніўня рэспубліка ў асноўным будзе знаходзіцца ў полі павышанага атмасфернага ціску. Будзе пераважаць сухое надвор'е", - перадаюць сіноптыкі.
У нядзелю ў Беларусі чакаецца воблачнае з праясненнямі надвор'е. Невялікія кароткачасовыя дажджы пройдуць толькі ноччу ў асобных раёнах па ўсходзе, а днём па паўночным захадзе Беларусі, ранняй раніцай згусціцца слабы туман.
Тэмпература паветра мінімальная ноччу складзе +7..+14°С, затое ў другой палове дня будзе па-летняму цёпла: паветра прагрэецца да +20..+26°С, а па паўднёвым захадзе нават да +28°С.
Па папярэдніх прагнозах Белгідраметцэнтра, працоўны тыдзень пачнецца з добрага надвор'я: кароткачасовыя дажджы і навальніцы ў суправаджэнні парывістага ветру магчымыя толькі месцамі. У панядзелак, 19 жніўня, ноччу будзе ад +10°С па ўсходзе да +18°С па захадзе. Днём пацяплее да +23..+29°С і да +31°С - у паўднёва-заходніх раёнах Беларусі.
