МІНСК, 19 жні - Sputnik. Штармавое папярэджанне аб'явілі сіноптыкі ў Беларусі на панядзелак з-за гарачага надвор'я і навальніц. Адпаведнае паведамленне размешчана на сайце рэспубліканскага гідраметцэнтра.
"Увага! У дзённы час 19 жніўня месцамі па паўночна-заходняй палове краіны чакаюцца навальніцы, па паўднёвым захадзе рэспублікі тэмпература паветра месцамі дасягне +30..+31°С", - паведамілі спецыялісты, у сувязі з ўмовамі надвор'я ў краіне аб'яўлены жоўты ўзровень небяспекі.
Па дадзеных сіноптыкаў, у панядзелак паўднёва-ўсходняя палова рэспублікі будзе заставацца ў полі павышанага атмасфернага ціску, па паўночна-заходняй палове адаб'ецца ўплыў атмасфернага фронту.
На паўночным захадзе таксама чакаюць кароткачасовых дажджоў і парывістага ветру, можа згусціцца слабы туман. Мінімальная тэмпература паветра ў начны час 19 жніўня складзе ад +10°С па ўсходзе да +18°С па захадзе. Днём паветра прагрэецца у сярэднім па краіне да +23..+29°С.
На тыдні ў Беларусі назіралася халаднаватае надвор'е, сярэднясутачная тэмпература была на 1-4°С ніжэйшай за кліматычную норму. Ужо на выхадных у краіну вярнулася лета. Згодна з папярэднімі прагнозамі, будучы працоўны тыдзень у Беларусі будзе па-летняму гарачы, ападкі і навальніцы чакаюцца толькі ў асобных раёнах рэспублікі.
