Узнагарода знайшла героя: Домрачавай заўтра ўручаць малы Крышталёвы глобус

© Sputnik / Виктор ТолочкоДар'я Домрачава прыляцела ў Мінск
Дар'я Домрачава прыляцела ў Мінск - Sputnik Беларусь
Падпісацца
IBU яшчэ ў сакавіку ануляваў вынікі пасьютэ чатырохгадовай даўніны расіянкі Кацярыны Глазырынай, пераразмеркаваўшы ўзнагароды біятланістак.

МІНСК, 22 жні - Sputnik. Чатырохразовая алімпійская чэмпіёнка Дар'я Домрачава, нягледзячы на завяршэнне біятлоннай кар'еры, заўтра папоўніць сваю калекцыю ўзнагарод. Спартсменцы ў дзень адкрыцця Чэмпіянату свету па летнім біятлоне ў Раўбічах ўрачыста ўручаць малы Крышталёвы глобус у гонцы пераследу сезона 2014/15.

Чатырохразовая алімпійская чэмпіёнка Дар'я Домрачава - Sputnik Беларусь
Домрачава анансавала сваю прысутнасць на чэмпіянаце свету ў Раўбічах

Нагадаем, што ў сакавіку 2019 года ў шведскім Эстэрсундзе IBU пераразмеркавалі ўзнагароды пасьютэ этапу Кубка свету ў Хохфільцэне чатырохгадовай даўнасці. Тады з-за парушэння антыдопінгавых правілаў вынікі расійскай біятланісткі Кацярыны Глазырынай былі ануляваныя (яна, нагадаем, стала другой у гонцы). Такім чынам, срэбра перайшло прадстаўніцы Францыі Анаіс Бескон, бронза - расіянцы Вользе Падчуфаравай.

Домрачава ў той гонцы заняла 13-е месца, але пасля дыскваліфікацыі Глазырынай перамясцілася на 12-е. Па балах за сезон беларуска зраўнялася з фінскай біятланісткай Кайсай Мякярайнен - у абедзвюх спартсменак па 348 ачкоў. Пры роўнасці балаў былі ўлічаны дадатковыя паказчыкі, у выніку перавагу атрымала Домрачава. Такім чынам, беларуска стала ўладальніцай малога Крышталёвага глобуса ў пасьютэ.

Як будзе праходзіць перадача трафея ад фінкі беларусцы, пакуль незразумела.

Летам мінулага года Домрачава абвясціла аб завяршэнні кар'еры. Урачыстыя праводзіны легендарнай біятланісткі з вялікага спорту прайшлі ў лютым у Раўбічах у рамках "Гонкі легенд".

Домрачава з'яўляецца ўладальніцай Кубка свету сезона 2014/15 і ўжо шасці малых Крышталёвых глобусаў. Яна двойчы перамагала на чэмпіянатах свету (2012 і 2013), чатыры разы выйгравала золата Алімпійскіх гульняў (Сочы-2014 і Пхенчхан-2018).

Стужка навiн
0