У праграме сімфа-рок-н-рол канцэрта "Шчасце", які адбудзецца ў Мінску ў лістападзе, Іван Вабішчэвіч абяцае гледачам каля 25 кампазіцый - гэта песні з новага альбома гурта "Дядя Ваня" і "залатыя хіты". Яны прагучаць у суправаджэнні Прэзідэнцкага аркестра Рэспублікі Беларусь пад кіраўніцтвам заслужанага артыста краіны Віктара Бабарыкіна.
"Для мяне асобны кайф, які я злавіў, - гэта ўсведамленне. Была спантанная першая рэпетыцыя, момант чыткі з ліста - прынеслі, раздалі партытуры, ну, паехалі... І вось тут у мяне адчуванне - разумею, што чую сваю песню - такое прама "сваё-сваё", што не для нейкіх праектаў пісалася, гэта зусім "сваё", і гэта "сваё" зараз грае сімфанічны аркестр. І вось тут такая багатая палітра пачуццяў, усё ж такі мы не поўныя даўбакі, ёсць прэтэнзія на тое, што нешта застанецца ў гісторыі", - распавядае артыст.
Перыяд падрыхтоўкі да канцэрту з Прэзідэнцкім аркестрам для Івана Вабішчэвіча выдаўся насычаным не толькі ў творчым плане, 2 месяцы таму ў сям'і музыкі нарадзілася малодшая дачка Мія. Яе з'яўленне на свет, як і нараджэнне старэйшай дачкі Міраславы, артыст звязвае са значнымі аўтарскімі праектамі.
"З'яўленне Міраславы было звязана з канцэртам у Мірскім замку. Тут зноў ніхто нічога не падазраваў, але так атрымалася, што дзесьці побач з прэзентацыяй ў Маскве (у кастрычніку 2018 гады) зоркі так сышліся, што два месяцы таму з'явілася Мія... Тады Мірскі замак - гэта была вялікая веха, пачатак свайго сольнага шляху, потым праз гады да той жа прэзентацыі альбома таксама нарэшце ўсё было зроблена правільна, і цяпер - гэта выхад на новы ўзровень, таму што адыграць сваю праграму з сімфанічным аркестрам, я лічу, гэта крута", - лічыць Вабішчэвіч.
Поўную версію размовы з рок-музыкам Іванам Вабішчэвічам глядзіце ў відэатрансляцыі.
