Памёр беларускі навуковец і пісьменнік Пятро Васючэнка

© Photo : Петр Васюченко / FacebookПятро Васючэнка
Пятро Васючэнка - Sputnik Беларусь
Падпісацца на
НовостиTelegram
Ён памёр у нядзелю, 25 жніўня, у Мінску. Аб даце і месцы развітання стане вядома пазней.

МІНСК, 26 жні - Sputnik. Беларускі пісьменнік і літаратуразнаўца Пятро Васючэнка памёр у нядзелю, 25 жніўня, у Мінску.

Пра яго смерць паведаміла кіраўнік Беларускага ПЭН-цэнтра Таццяна Недбай на сваёй старонцы ў Facebook.

Пятро Васючэнка нарадзіўся 15 лютага 1959 года ў Полацку. Скончыў факультэт журналістыкі БДУ. Пасля абароны кандыдацкай дысертацыі па філалогіі працаваў у Інстытуце літаратуры Акадэміі навук Беларусі (1984-1997), з 1997-га загадваў кафедрай беларускай мовы і літаратуры Мінскага дзяржаўнага лінгвістычнага ўніверсітэта.

Напісаў мноства літаратуразнаўчых даследаванняў, некалькі кніг прозы, у прыватнасці "Белы мурашнік" (1993), "Жылі-былі паны Кубліцкі ды Заблоцкі" (1997), "Прыгоды аднаго губашлёпа" (1999) і іншыя. Яго п'есы выйшлі ў зборніку "Маленькі збраяносца", асобнай кнігай "Піраміда Лінэя" выдадзены яго паэтычныя творы.

Яго творы перакладзены на англійскую, балгарскую, нямецкую, польскую, рускую, славацкую і чэшскую мовы.

Аб даце і месцы развітання з Пятром Васючэнкам стане вядома пазней.

Стужка навiн
0