Абвешчаны лонг-ліст Прэміі Гедройца

CC0 / Pixabay / Skitterphoto / Кнігарня
Кнігарня - Sputnik Беларусь
У спіс прэтэндэнтаў на прэстыжную літаратурную прэмію ўвайшлі 12 аўтараў.

МІНСК, 27 жні — Sputnik. Сябры журы Прэміі імя Ежы Гедройца вызначаліся з аўтарамі, якія ўвайшлі ў лонг-ліст літаратурнай узнагароды, паведамілі ў беларускім ПЭН-Цэнтры. 

  1. Міхал Андрасюк, "Поўня" (Беласток: Праграмная рада тыднёвіка "Ніва").
  2. Алена Брава, "Садомская яблыня" (Мінск: Галіяфы).
  3. Валер Гапееў, "Пазл" (Мінск: Галіяфы).
  4. Сяргей Дубавец, "Д’ябал запрэжаны ў плуг" (Вільня: Логвінаў).
  5. Сяргей Календа, "Часам панкі паміраюць" (Вільня: Логвінаў).
  6. Віктар Марціновіч, "Ноч" (Мінск: Кнігазбор).
  7. Вінцэсь Мудроў, "Помнік літары Ў" (Мінск: Янушкевіч).
  8. Людміла Рублеўская, "Пантофля Мнемазіны" (Мінск: Янушкевіч).
  9. Ілля Сін, "Libido" (Мінск: Кнігазбор).
  10. Андрэй Федарэнка, "Сузіральнік" (Мінск: Кнігазбор).
  11. Юлія Шарова, "Вяртанне Ліліт" (Мінск: Янушкевіч).
  12. Сяргей Шупа, "Падарожжа ў БНР" (Радыё Свабодная Эўропа / Радыё Свабода).

У склад журы ўвайшлі культуролаг, крытык і эсэіст Максім Жбанкоў; літаратуразнаўца і літаратурны крытык Жана Капуста; паэтка, перакладчыца, арганізатарка культурніцкіх праектаў Марыя Мартысевіч; празаік, літаратуразнаўца, першы намеснік старшыні Саюза беларускіх пісьменікаў Алесь Пашкевіч; празаік, архівіст, літаратуразнаўца, настаўніца Ганна Севярынец і літаратуразнаўца Анжэла Мельнікава.

Сябры журы выказалі глыбокі смутак з прычыны страты свайго калегі, літаратуразнаўцы і пісьменніка Пятра Васючэнкі і адрасавалі шчырыя спачуванні родным і блізкім спачылага.

Прэмія імя Ежы Гедройца заснаваная Беларускім ПЭН-Цэнтрам, Саюзам беларускіх пісьменнікаў і Польскім Інстытутам у Менску і ўручаецца за найлепшую кнігу ў жанры мастацкай i дакументальнай прозы. Узнагарода мае статус галоўнай незалежнай літаратурнай прэміі Беларусі. Яе пераможцамі станавіліся такія вядомыя беларускія пісьменнікі як Уладзімір Арлоў, Зміцер Бартосік, Павал Касцюкевіч і іншыя.

Сёлета ўрачыстая цырымонія ўзнагароджання адбудзецца 25 верасня ў прасторы ZALA#2 у мінскім Палацы мастацтваў. Пачатак цырымоніі — а 19:00.

Нагадаем, у гэтым годзе папулярны пісьменнік Альгерд Бахарэвіч адмовіўся ад удзелу ў Прэміі Гедройца. Аўтар патлумачыў, што браць удзел у прэміяльнай гонцы яму не дазваляюць яго погляды на літаратуру і літаратурны працэс.

Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
АҧсныАҧсышәалаАбхазскіԱրմենիաՀայերենАрмянскіAzərbaycanАzərbaycancaАзербайджанскіХуссар ИрыстонИронауАсецінскіსაქართველოქართულიГрузінскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі