ЦВК разгледзіць дэклараванне даходаў прэтэндэнтаў на дэпутацкае крэсла

© Sputnik / Виктор ТолочкоАвальная зала
Авальная зала - Sputnik Беларусь
Падпісацца
У Цэнтрвыбаркаме лічаць, што выбарчая парламенцкая кампанія ажывіцца пасля 2 верасня, калі пачнецца падача дакументаў аб фарміраванні ініцыятыўных груп прэтэндэнтаў на дэпутацкія крэслы.

МІНСК, 27 жні Sputnik. Парадак дэкларавання даходаў і маёмасці прэтэндэнтамі на дэпутацкія крэслы разгледзіць Цэнтрвыбаркам Беларусі, паведамілі ў ЦВК.

Мясцовыя выбары ў Беларусі: урна для галасавання - Sputnik Беларусь
Ярмошына: празрыстыя ўрны на выбарах - ужо не модна

Гэта будзе другое пасяджэнне Цэнтрвыбаркама з пачатку выбарчай кампаніі ў парламент.

"28 жніўня 2019 года ў 11:00 адбудзецца пасяджэнне Цэнтрвыбаркама, на якім будуць разгледжаны пытанні выкарыстання сродкаў масавай інфармацыі ў перадвыбарчай агітацыі", - паведамілі Sputnik у аўторак у камісіі.

Акрамя гэтага, на пасяджэнні будзе разгледжаны парадак дэкларавання даходаў і маёмасці асобамі, высунутымі кандыдатамі ў дэпутаты Палаты прадстаўнікоў, а таксама пытанні стварэння кандыдатамі ў дэпутаты ўласных выбарчых фондаў.

Старшыня Цэнтрвыбаркама Лідзія Ярмошына лічыць, што выбарчая кампанія ажывіцца пасля 2 верасня - з наступнага тыдня пачнецца падача дакументаў аб фарміраванні ініцыятыўных груп прэтэндэнтаў на дэпутацкія крэслы ў парламенце. А актыўная фаза выбарчай кампаніі стартуе з моманту агітацыі - з 17 кастрычніка.

Парламенцкія выбары ў Беларусі пройдуць у лістападзе 2019 года.

Стужка навiн
0