Раней у сераду Кіеўскі апеляцыйны суд разгледзеў скаргу на падаўжэнне арышту журналіста. Згодна з рашэннем суда, Вышынскага ўсё ж вызвалілі пад асабістае абавязацельства. Такім чынам, упершыню з мая мінулага года журналіст зможа выйсці на волю.
"Кірыл знаходзіўся з 15 мая (2018 года) пад арыштам па сфабрыкаванай справе. І гэта (вызваленне) адбылося вельмі проста, гэта рашэнне прэзідэнта Зяленскага. Гэта палітычнае рашэнне, якое пацвярджае, што сам працэс быў палітычным. Гэта першае, што я хацеў сказаць. Другое - што Зяленскі, хоць і позна, не ў першыя 100 дзён, не тады, калі мы чакалі, але тым не менш прыняў гэтае рашэнне. Тым самым, трэба прызнаць, палепшыў свае перамоўныя пазіцыі з Расіяй", - адзначыў Кісялёў.
Журналіст і кіраўнік партала РІА "Новости Украина" Кірыл Вышынскі знаходзіцца пад вартай ужо больш за год: яго затрымалі 15 мая 2018-га па падазрэнні ў дзяржздрадзе і падтрымцы самаабвешчаных рэспублік Данбаса. З тых часоў суд неаднаразова падаўжаў журналісту арышт.
Наступнае пасяджэнне суда па разглядзе справы супраць Вышынскага запланавана на 16 верасня.
Як раней заяўляў прэзідэнт Расіі Уладзімір Пуцін, Вышынскі арыштаваны за прамую прафесійную дзейнасць. Масква накіроўвала Кіеву некалькі нот з патрабаваннямі спыніць яго пераслед. Занепакоенасць у сувязі з арыштам журналіста выказвалі і міжнародныя арганізацыі, у тым ліку АБСЕ.
