Апытаныя на вуліцах Мінска беларусы па-рознаму адрэагавалі на пытанне пра неабходнасць адмены смяротнага пакарання.
"Я думаю, наўрад ці яго калі-небудзь адменяць", - кажа адзін з суразмоўцаў.
Іншы згодны і сцвярджае, што "ёсць некаторыя злачынствы, за якія па-чалавечы пакараць проста немагчыма".
"Трэба зрабіць гэта паказальна, каб людзі астатнія маглі зразумець, што не трэба так рабіць", - перакананы ўдзельнік апытання.
Іншыя сумняваюцца і не могуць даць адназначнага адказу на гэтае пытанне.
"Вельмі шмат фактараў. У нейкай ступені гэта апраўдана, хоць я разумею, што гэта няправільна", - кажа суразмоўца карэспандэнта.
Хтосьці апелюе да заходніх каштоўнасцяў і запэўнівае, што калі мы хочам быць бліжэй да Еўропы, пакаранне трэба адмяняць.
"У Амерыцы кара да гэтага часу, хоць бы не праз расстрэл, а праз смяротную сыроватку", - кажуць іншыя.
А многія ўпэўнены, што такое абыходжанне з чалавекам негуманна, хай нават ёсць страшныя злачынствы, за якія хочацца пакараць.
"У мяне дваякае меркаванне: з аднаго боку чалавек атрымлівае па заслугах, а з другога, усё роўна гэта чалавек, каб ён ні зрабіў, ён мае права на жыццё", - пераконвае суразмоўца Sputnik.
"Адзінае, што даецца чалавеку - гэта жыццё", - паўтарае яму іншы.
"Смяротнае пакаранне - гэта перажытак сярэднявечча", - запэўнівае трэці.
"Усё ў руках Божых", - кажа чацвёрты.
Хтосьці прыводзіць і іншыя аргументы супраць пакарання, напрыклад, недавер сістэме правасуддзя.
"Тое, як у нас працуюць, то, напэўна, супраць. Могуць трапляць людзі, якія не заслужылі гэтага", - кажа адзін з апытаных.
А хтосьці нават лічыць, што пажыццёвае зняволенне можа быць для злачынца нават больш сур'ёзным пакараннем, а для тых, каго асудзілі несправядліва, гэта шанец дабіцца праўды.
Глядзіце на відэа, што думаюць беларусы пра смяротнае пакаранне.
