Мінадукацыі назвала асноўную прычыну траўмаў на ўроках фізкультуры

© Sputnik / Александр Кряжев / Перайсці ў медыябанкНастаўнікі фізкультуры заўсёды правяраюць спраўнасць спартыўных снарадаў і рыштунку, але без траўмаў ўсё роўна не абыходзіцца
Настаўнікі фізкультуры заўсёды правяраюць спраўнасць спартыўных снарадаў і рыштунку, але без траўмаў ўсё роўна не абыходзіцца - Sputnik Беларусь
Падпісацца на
НовостиTelegram
Згодна з вынікамі аналізу, больш за траціну ўсіх школьных траўмаў прыпадае менавіта на заняткі фізкультурай.

МІНСК, 29 жні - Sputnik. Асноўная прычына траўмаў на ўроках фізкультуры - парушэнне правілаў бяспечных паводзін навучэнцамі, адпаведная інфармацыя змяшчаецца ў рэкамендацыях Мінадукацыі для педагогаў.

Школа зачынена - Sputnik Беларусь
Саўмін забараніў 2-ю змену ў школах і складаныя прадметы па панядзелках

Пра асаблівасці арганізацыі адукацыйнага працэсу па прадмеце "Фізічная культура і здароўе" чыноўнікі распавялі педагогам у адным з дадаткаў да інструктыўна-метадычнага ліста Мінадукацыі да 2019/2020 навучальнага года.

"У выніку аналізу звестак аб траўмах, атрыманых вучнямі ўстаноў агульнай сярэдняй адукацыі ў ходзе адукацыйнага працэсу на працягу апошніх трох гадоў, устаноўлена, што больш за траціну выпадкаў прыпадае на траўмы, атрыманыя падчас вучэбных заняткаў па вучэбным прадмеце "Фізічная культура і здароўе", "Гадзіна здароўя і спорту", прычым больш за 60% з іх прыпадае на траўмы, атрыманыя ў выніку парушэння правілаў бяспечнага паводзінаў навучэнцамі", - гаворыцца ў дакуменце.

Акрамя таго, Рэспубліканскі цэнтр фізічнага выхавання і спорту навучэнцаў і студэнтаў распрацаваў спецыяльныя меры бяспекі для фізкультуры, яны размешчаны на сайце Мінадукацыі.

"Пры правядзенні арганізаваных формаў фізічнага выхавання навучэнцаў ва ўстановах адукацыi рэкамендуем забяспечыць захаванне названых мер бяспекі", - адзначаецца ў лісце.

Апроч іншага, у названых рэкамендацыях замацаваны пункты аб тым, як пазбягаць траўмаў пры выкананні практыкаванняў, а таксама iншыя патрабаваннi, уключаючы частату праветрывання залы або выпадкі, калі павінен прысутнічаць медработнік.

Урокі фізкультуры часам заканчваюцца не толькі траўмамі: так, у сярэдзіне мая ў Тураве на лёгкаатлетычных спаборніцтвах загінула дзевяцігадовая школьніца. Адбывалася ў апошнія гады і некалькі іншых гучных трагедый, звязаных з фізкультурай.

Стужка навiн
0