МІНСК, 30 жні - Sputnik. Атрымаць кіроўчую даведку можна будзе ў тэрапеўта, пра гэта напярэдадні заявіў міністр аховы здароўя Уладзімір Каранік на тэлеканале АНТ.
Паводле яго слоў, у бліжэйшыя гады кожны чалавек зможа стварыць свой асабісты кабінет (зарэгістравацца і мець свой пароль), куды будзе паступаць уся інфармацыя аб дыягназах, вынікі аналізаў, а таксама ўрачах, у якіх ён назіраецца.
Там жа можна будзе замовіць і выпіску аб стане здароўя - яна будзе адпраўлена на паказаную пры рэгістрацыі электронную пошту.
Акрамя таго, існуе другі варыянт, які цяпер знаходзіцца на разглядзе, адзначыў міністр.
Гэты варыянт прадугледжвае, што ўрач агульнай практыкі будзе мець магчымасць падоўжыць ужо наяўную кіроўчую даведку, аднак зробіць гэта пры ўмове, калі ў пацыента за апошнія пяць гадоў не былі знойдзеныя захворванні, якія могуць перашкаджаць кіраванню транспартным сродкам.
Тэрапеўт будзе мець магчымасць правяраць слых і зрок, і наведваць вузкіх спецыялістаў не прыйдзецца.
"Звычайныя маніпуляцыі, якія ажыццяўляе тэрапеўт ці ўрач агульнай практыкі, плюс адсутнасць інфармацыі, што былі захворванні, якія перашкаджаюць ваджэнню - чалавеку будзе аўтаматычна прадоўжана гэтая даведка", - растлумачыў Каранік.
Канкрэтных тэрмінаў пераходу на такую сістэму атрымання меддаведак кіраўнік Міністэрства аховы здароўя не назваў, аднак дадаў, што некаторыя элементы будуць уведзены ўжо ў наступным годзе.
Як раней растлумачылі ў ДАІ, медыцынскую даведку давядзецца вазіць з сабой толькі кіроўцам транспартных сродкаў, якія не замянілі старыя пасведчанні кіроўцаў на новыя.
Нагадаем, што пералік медыцынскіх супрацьпаказанняў да ваджэння, а таксама парадак атрымання медыцынскай даведкі спрошчаны ў Беларусі ў адпаведнасці з пастановай Міністэрства аховы здароўя №88 ад 8 снежня 2018 года. Сярод змен - адзіныя патрабаванні для атрымання меддаведак як прафесійнымі кіроўцамі, так і звычайнымі аўтааматарамі.
