МІНСК, 2 вер - Sputnik. Прэзідэнт Беларусі Аляксандр Лукашэнка запатрабаваў узмацніць дысцыпліну ў навучальных установах, адпаведную заяву ён зрабіў падчас наведвання СШ №93 ва Уруччы.
Беларускі лідар прыняў у панядзелак удзел ва ўрачыстай лінейцы з нагоды пачатку навучальнага года ў новай мінскай школе №93.
У ходзе наведвання навучальнай установы Лукашэнка адзначыў: дысцыпліна ў школе моцна ўпала. Ён паставіў задачу міністру адукацыі, губернатарам і мэру Мінска прыняць меры для ўзмацнення парадку і дысцыпліны ў навучальных установах.
"Школа - гэта храм. Туды трэба прыходзіць з чыстымі думкамі - вучыцца, а не пакурваць у прыбіральні і займацца незразумела чым", - заявіў Лукашэнка, яго словы прывяла БелТА.
Прэзідэнт неаднаразова ўздымаў тэму дысцыпліны ў школах. Так, каментуючы ў лютым гэтага года трагедыю ў Стоўбцах, Лукашэнка заяўляў пра тое, што "ў школах бардак". Тады ж ён казаў пра тое, што "як у царкву трэба ісці ў школу", і заклікаў да жалезнай дысцыпліны ва ўстановах адукацыі.
