ГРОДНА, 7 вер - Sputnik, Іна Грышук. Бронзавую конную скульптуру заснавальніка Ліды вялікага князя Гедыміна адкрылі ў дзень горада. Сёння, 7 верасня, Ліда святкуе 696 дзень нараджэння.
Помнік Гедыміну быў усталяваны на пастамент побач з Лідскім замкам яшчэ ў пачатку жніўня і амаль месяц чакаў афіцыйнага адкрыцця. Гэта шасціметровая скульптура вагой больш за 2,5 тон. На помніку ёсць надпіс "Гедымін" і выява герба "Калюмны".
Над стварэннем манумента працавалі скульптары Сяргей Аганаў і Вольга Нячай. Ён быў адліты з бронзы супрацоўнікамі УП "Скульптурны камбінат". Ініцыятарам ўстаноўкі коннай скульптуры вялікага князя Гедыміна стала кіраўніцтва горада.
Князь Гедымін з'яўляецца заснавальнікам горада Ліды. Ён кіраваў ВКЛ у пачатку XIV стагоддзя і значна пашырыў тэрыторыі, далучыўшы Брэст, Віцебск, Гродна, Мінск, Тураў, Пінск, пачаў далучаць украінскую Валынь. Ён вёў барацьбу і з Лівонскім ордэнам, баі з якім часта заканчваліся сур'ёзнымі паразамі суперніка.
Вядомы князь Гедымін таксама як заснавальнік Вільні, куды ён перанёс сталіцу ВКЛ. Вядома, што да канца сваіх дзён так і не прыняў хрысціянства, хоць усе яго дзеці былі хрышчэння.
