МІНСК, 18 вер - Sputnik. Прэзідэнты Беларусі і Расіі Аляксандр Лукашэнка і Уладзімір Пуцін могуць ужо да восьмага снежня зацвердзіць план па інтэграцыі дзвюх краін у рамках Саюзнай дзяржавы, пра гэта паведаміў беларускі пасол, спецпрадстаўнік па пытаннях інтэграцыйнага супрацоўніцтва ў рамках Саюзнай дзяржавы Уладзімір Сямашка РІА "Новости".
"Да першага лістапада гэтага года павінны быць распрацаваны "дарожныя карты", іх 31 па розных напрамках", - падкрэсліў ён.
Паводле слоў пасла, сувязі паміж краінамі будуць паглыбляцца, будзе праводзіцца адзіная палітыка ў прамысловай і навуковай сферах.
"Зараз працуем над гэтымі "дарожнымі картамі". Нашы сувязі будуць яшчэ больш цесныя, каб быць мацней і жыць у лепшых умовах", - сказаў Сямашка.
Шлях да інтэграцыі
Нагадаем, Беларусь і Расія загаварылі аб стварэнні рабочай групы па ўрэгуляванні праблемных пытанняў і развіццю інтэграцыі ў снежні мінулага года. З гэтага моманту ідзе праца па ўзгадненні спрэчных момантаў і стварэнні адзінай праграмы дзеянняў па інтэграцыі рамках Саюзнага дагавору.
У ліпені Прэзідэнты Беларусі і Расіі Аляксандр Лукашэнка і Уладзімір Пуцін сустрэліся ў Санкт-Пецярбургу на Форуме рэгіёнаў і абмеркавалі, у тым ліку, развіццё інтэграцыі паміж краінамі. Пасля гэтага беларускі кіраўнік заявіў, што былі дасягнуты прынцыповыя пагадненні па гэтым пытанні з расійскім бокам.
Бакі дамовіліся да 1 лістапада распрацаваць дарожныя карты па інтэграцыі ў розных сферах, да сярэдзіны 2020 га - ўніфікаваную заканадаўчую базу, а з 2021 года распачаць на адзіных правілах нафтагазавы, прамысловы, сельскагаспадарчы і транспартны рынкі. Лукашэнка прапанаваў падрыхтаваць і зацвердзіць план дзеянняў працаваць да 8 снежня 2019 года.
6 верасня прэм'ер-міністры Беларусі і Расіі Сяргей Румас і Дзмітрый Мядзведзеў парафіравалі праграму інтэграцыі дзвюх краін. Урады дзвюх краін завяршылі працу над падрыхтоўкай праграмы дзеянняў па рэалізацыі Саюзнага дагавора 1999 года, было зацверджана больш за 30 дарожных карт у розных сферах.
У панядзелак, 16 верасня выданне "Камерсант" са спасылкай на свае крыніцы паведаміла, што Беларусь і Расія плануюць перайсці на адзіныя падатковы і грамадзянскі кодэксы ў рамках інтэграцыі сваіх эканамічных сістэм са студзеня 2021, а таксама іншыя падрабязнасці плана па інтэграцыі.
