МІНСК, 21 вер - Sputnik. Пагадненне паміж Беларуссю і Еўрапейскім саюзам аб палягчэнні візавых працэдур і аб рэадмісіі пачнуць дзейнічаць праз два месяцы пасля падпісання, паведаміў у эфіры тэлеканала АНТ у пятніцу пасол ЕС у рэспубліцы Дырк Шубель.
Раней МЗС Беларусі праінфармаваў, што прэзідэнт рэспублікі Аляксандр Лукашэнка вырашыў даць згоду на заключэнне з ЕС адпаведных пагадненняў.
Па словах Шубеля, перамовы завяршыліся, і цяпер бакі ажыццяўляюць унутраныя працэдуры, якія дазволяць падпісаць дакументы.
"Яны ўступяць у сілу праз два месяцы пасля заключэння. Тут трэба разумець, што еўрапейскаму боку патрабуецца час", - адзначыў дыпламат.
Ён таксама ўдакладніў, што ў склад ЕС уваходзяць 28 краін, і ўзгадненне папер запатрабуе дастаткова часу. Пры гэтым Шубель адзначыў, што ў гэтым пытанні ён настроены аптымістычна.
З уступленнем пагадненняў у сілу візавы збор для грамадзян рэспублікі істотна знізіцца: з 60 да 35 еўра. Беларусь і ЕС з 2014 года праводзілі кансультацыі па праектах пагадненняў. У жніўні гэтага года з'явілася інфармацыя, што яны будуць падпісаны восенню бягучага года.
