МІНСК, 23 вер - Sputnik. Аб старце перапісу грамадзяне даведаюцца праз СМС-рассылку, паведаміла ў эфіры СТБ старшыня Нацыянальнага статыстычнага камітэта Беларусі Іна Мядзведзева.
У смсмке будзе паведамляцца, хто можа перапісацца, і будзе пазначаны адрас адмысловага сайта, дзе праходзіць перапіс.
"Гэта значыць, можна будзе з мабільнага тэлефона, напрыклад, адразу ўвайсці на наш сайт па перапісу праз інтэрнэт і практычна пачаць перапіс", - адзначыла Мядзведзева.
Прайсці электронны перапіс можна будзе з 4 кастрычніка. Калі ж грамадзяне не змогуць па нейкіх прычынах прайсці перапіс анлайн, з 21 кастрычніка па дамах пачнуць хадзіць перапісчыкі.
Кіраўнік Белстата яшчэ раз нагадала пра важнасць мерапрыемства для кожнага канкрэтнага грамадзяніна краіны.
"Ад гэтага будзе залежаць развіццё канкрэтнага рэгіёну, канкрэтнай вуліцы. Можна будзе прыняць рашэнне аб тым, якія сродкі неабходна накіраваць у ахову здароўя, адукацыю, на будаўніцтва інфраструктуры, жылля, дзіцячых садкоў".
Папярэднія вынікі перапісу будуць падведзены ў пачатку лютага наступнага года. Спачатку мы даведаемся аб колькасці насельніцтва. Інфармацыю аб сацыяльна-дэмаграфічных характарыстыках насельніцтва Белстат прадаставіць да ліпеня 2020 года, а праз год, да ліпеня 2021 года - падрабязнасці дзейнасці ў галіне сельскай гаспадаркі. Іна Мядзведзева ахарактарызавала іх як "самы складаны апытальнік".
