МІНСК, 24 вер - Sputnik. Генеральны дырэктар МІА "Россия сегодня" Дзмітрый Кісялёў заявіў, што рэгіянальныя рэдакцыі Sputnik з'яўляюцца выразнікамі ідэі свабоды.
Гэтую заяву ён зрабіў, выступаючы на форуме Саюза журналістаў у Сочы.
Дзмітрый Кісялёў адзначыў, што замежны брэнд міжнароднага інфармацыйнага агенцтва "Расія сёння" Sputnik стаў галоўным СМІ ў многіх краінах свету. Гэтага поспеху ён дамогся, падаючы альтэрнатыўную інфармацыю і распаўсюджваючы ідэю свабоды.
"Ведаю, што Sputnik Абхазія самы папулярны сродак масавай інфармацыі ў Абхазіі... На дзвюх мовах няма папулярней сродкі масавай інфармацыі ў Грузіі, чым Sputnik. Мы першыя ў Кыргызстане, у Малдове, у Арменіі. Мы ў топах ў Азербайджане, у тройцы ў Беларусі... напрыклад, у Францыі... наверное мы таксама ў топах. Чым больш Макрон нас лае, я лічу, абсалютна неапраўдана і галаслоўна, тым мы там папулярней", - заявіў Кісялёў.
Паводле яго слоў, Sputnik - гэта прафесійная рэдакцыя, якую складаюць мясцовыя журналісты ў краінах, дзе агенцтва працуе. Яны падаюць "альтэрнатыўную інфармацыю" пра тое, што адбываецца і ў іх краіне, і ў Расіі, і ў свеце.
Як адзначыў Дзмітрый Кісялёў, Расія не прапануе нікога уніфікаваць, пакідаючы японцам права быць японцамі, туркам - туркамі, кітайцам - кітайцамі, у адрозненне ад ЗША, якія настойваюць, "што ўсё павінна быць па іх лекалам".
"Кожны мае права на сваё самастойнае развіццё. І Sputnik, нашы рэдакцыі з'яўляюцца выразнікамі гэтай ідэі свабоды. Таму гэта заразліва і прывабна", - заўважыў Кісялёў.
