МІНСК, 28 вер - Sputnik. Сустрэча высокага ўзроўню ў рамках "Усходняга партнёрства" пройдзе ў Мінску 4-5 кастрычніка, паведамілі ў прэс-службе міністэрства замежных спраў Беларусі.
Напярэдадні кіраўнік беларускага МЗС Уладзімір Макей правёў шэраг сустрэч у Нью-Ёрку ў рамках 74-й сесіі Генасамблеі ААН.
На палях ГА міністр сустрэўся са сваім фінскім калегам Пекка Хаавіста, які пацвердзіў свой удзел у сустрэчы. Кіраўнік МЗС Фінляндыі "адзначыў важнасць дадзенага мерапрыемства для далейшага дыялогу паміж ЕС і Беларуссю".
Акрамя таго, суразмоўцы абмеркавалі перспектывы двухбаковага гандлёва-эканамічнага супрацоўніцтва, а таксама шэраг пытанняў рэгіянальнага і міжнароднага парадку дня.
Раней паведамлялася, што для ўдзелу ў сустрэчы ў рамках "Усходняга партнёрства" ў Мінск прыбудзе Вярхоўны прадстаўнік Еўрасаюза па замежных справах і палітыцы бяспекі Федэрыка Магерыні.
Удзельнікамі ініцыятывы ЕС "Усходняе партнёрства" з'яўляюцца Азербайджан, Арменія, Беларусь, Грузія, Малдова і Украіна.
