МІНСК, 4 кас - Sputnik. Чарговы перапіс насельніцтва стартуе ў гэтую пятніцу ў Беларусі, паведамілі ў Нацыянальным статыстычным камітэце рэспублікі.
Папярэдні перапіс насельніцтва адбываўся ў Беларусі ў 2009 годзе. Некаторыя цікавыя факты пра беларусаў па дадзеных таго перапісу глядзіце ў інфаграфіцы.
Чарговы перапіс стартуе ўжо 4 кастрычніка. Спачатку Белстат правядзе інтэрнэт-перапіс - кожны жадаючы можа адказаць на пытанні анлайн.
З 19 па 20 кастрычніка пройдзе апытанне на стацыянарных участках і маніторынг запаўнення перапісных лістоў у інтэрнэце. Перапісчыкі пачнуць хадзіць па дамах з 21 кастрычніка - будзе доўжыцца гэта да 30 кастрычніка.
З відавочных плюсаў інтэрнэт-перапісу можна назваць хуткасць і зручнасць адказу на пытанні, а таксама тое, што затым не трэба будзе ўступаць у камунікацыю з перапісчыкам. Ананімнасць ўсіх дадзеных Белстат гарантуе.
На аснове атрыманых з перапісу дадзеных у Беларусі будуць рыхтавацца прагнозы сацыяльна-эканамічнага развіцця, прымацца мэтавыя праграмы, мясцовыя бюджэты, а таксама будуць вырашацца некаторыя іншыя важныя для функцыянавання дзяржавы пытанні.
