МІНСК, 9 кас - Sputnik. Пуск Беларускай АЭС плануецца ў студзені 2020 года, заявіў у сераду гендырэктар станцыі Міхаіл Філімонаў.
Першая беларуская АЭС будуецца каля горада Астравец (Гродзенская вобласць). Планавалася, што першы энергаблок станцыі запусцяць у эксплуатацыю да канца 2019 года.
"Фізпуск чакаецца ў раёне студзеня далей іншыя аперацыі, уключэнне ў сетку", - цытуе Філімонава БелТА.
Як адзначыў дырэктар дэпартамента па ядзернай энергетыцы Мінэнерга Васіль Палюховіч, канкрэтная дата пуску будзе залежаць ад тэрмінаў завозу ядзернага паліва і яго прыёмкі на станцыі.
"Мы не гонімся любой цаной (за тэрмінамі фізпуска - Sputnik). Бяспека - у першую чаргу, і пераскокваць праз нейкія этапы ва ўгоду чаканням каго б там ні было мы не можам. Для нас бяспека перш за ўсё", - падкрэсліў ён.
Генпадрадчык будаўніцтва БелАЭС - "Атамбудэкспарт" (уваходзіць у расійскую дзяржкарпарацыю "Расатам"). У канцы верасня кіраўнік "Расатама" Аляксей Ліхачоў паведаміў, што будаўніцтва першага блока Беларускай АЭС "выйшла на фінішную прамую".
Чытайце таксама:
- Пасол Расіі: увод БелАЭС зробіць Беларусь экспарцёрам энергіі
- Беларусь не супраць прадаваць энергію БелАЭС украінцам
- Эксперт пра шум вакол БелАЭС: літоўская эліта ў апошнія гады ўвайшла ў клінч
